Bildiyimiz kimi ingilis dilini öyrənməyin bir çox yolu var. Kitab oxumaq, dil kursuna getmək, mahnılara qulaq asmaq, kinoya baxmaq və s.  Bunlardan ən əyləncəli və daha asan olanı isə şəkillərlə ingilis dilini öyrənməkdir. Aşağıda göstərilən 3 online websayt haqqında sizə məlumat verəcəyik. Bu saytlar sizə daha effektiv öyrənməyə kömək olacaq.

1. Visual Dictionary Online- http://www.visualdictionaryonline.com/index.php

Bu online websayt bəzi sahələrə bölünür. Məsələn: Elm, İncəsənət, İnsan, Texnologiya, Astronomiya, Yer, Meyvə, Heyvanlar və s. Siz axtarmaq istədiyiniz sahəni seçə bilərsiniz. Hansisa sözü axtarırsınızsa bu səhifədə axtarış bölgəsi var. Orda sözü yazıb, axtarışa vermək kifayətdir. Burada axtardığınız söz, şəkil ilə göstərilir. Üzərində həmin axtardığınız sözə aid izahlar çıxır. Məsələn, siz fotoaparat sözünü axtarırsınız. Burada onun hissələrindən tutmuş hər bir şey izah olunur. Həmçinin siz sözün tələffüz formasını da dinləyə bilərsiniz.

       2.The İnternet Picture Dictionary: English- http://pdictionary.com/

Bu websayt’da əlifba sırası ilə həriflər düzülür. Siz arzu etdiyiniz hərfi seçdikdən sonra, həmin hərfin baş hərfi ilə sözlər gəlir. Burada çoxlu şəkillərlə sözlər mövcuddur. Bu sayt’ın digərlərindən əsas fərqi odur ki, ingilis dilindən başqa digər(fransız, alman, italyan, ispan) dillərdə də axtarış edə bilərsiniz. Bu saytın başqa funksiyaları da var. “Flashcards” olan hissədə şəkillər gəlir və üzərinə basdıqda həmin söz ingiliscə yazılır. Kateqoriyalara da ayıra bilərsiniz. “Fill in the blanks” olan hissədə isə boşluğda sözü yazmalısınız. Bunlardan başqa da maraqlı xidmətləri vardır.

      3.English Picture Dictionary-  https://www.online-languages.info/english/picture-dictionary.php

Bu websaytda həmçinin müxtəlif sahələrə bölünür. Arzu etdiyinizi seçib basmağınız kifayətdir. Bundan əlavə ingilis dili ilə bağlı bir çox xidmətləri də mövcuddur.

Blog yazılarımızdan dərhal xəbərdar olmaq üçün Telegram Kanalımıza qoşulun: