Təqaüd proqramları | Azercell təqaüd proqramı | Socar təqaüd proqramı

Yerli Təqaüd Proqramları

Ölkəmizdə tələbələrə dəstək çərçivəsində bəzi şirkətlər tərəfindən təqaüd proqramları təşkil edilir. Bu təqaüdlərin məqsədi perspektivli və istedadlı gənclərə dəstək olmaqdır. Bu proqram daxilində tələbələr müəyyən şans və güzəştlər də əldə edirlər.

Azercell təqaüd proqramı 2022

Azercell şirkəti gənclərin inkişafına dəstək üçün Tələbə Təqaüdü və Təcrübə Proqramlarını uğurla bölüşür. Bu proqram 2009-cu ildən təşkil olunur. Proqram çərçivəsində əsasən informasiya texnologiyaları üzrə təhsil alan və yüksək göstəriciləri olan tələbələrə təqaüd ayrılır. Bu tələbələrə hər ay 200 manat məbləğində təqaüd verilir. 

Bununla yanaşı şirkət tələbələrə karyera qurmasında yardım olmaq üçün təcrübə proqramlarıda təşkil edir. İndiyə kimi bu proqram çərçivəsində 231 tələbə təcrübədən keçib və onlardan 31-i işlə təmin olunub. Əlavə olaraq, proqram çərçivəsində müxtəlif təlimlərdə iştirak etmək və şirkətdə təcrübə keçmək şansı əldə edə bilərsiniz.

Təqaüd proqramında göstəriciləri yüksək olan son iki kurs tələbələri iştirak edə bilər. Proqrama müraciət etmək üçün:

Müvafiq bölüm seçilir: Bakı, Sabah  və Bölgə təqaüd proqramı

Elektron müraciət ərizəsi doldurulur.

Elektron müraciət ərizəsini, tələbə biletinin və qiymət kitabçasının skan versiyalarını [email protected] mail unvanına göndərmək lazımdır.

Proqram barədə əlavə məlumat əldə etmək və elektron müraciət ərizəsinə baxmaq üçün klik edin.

Məlumat üçün şirkətin Facebook səhifəsinə də daxil ola bilərsiniz.

Socar təqaüd proqramı

Socar təqaüdü Bakı Ali Neft Məktəbi istisna olmaqla Azərbaycan respublikasında fəaliyyət göstərən bütün ali təhsil müəssisələrinin bakalavr və magistr pillələrindəki tələbələrə müvafiq qaydalarda verilir. Bu proqramın təşkil olunmasında məqsəd tələbələrin bilik, təcrübə və təşəbbüskarlıqlarını artırmağa həvəsləndirməkdir.

 Bu təqaüd müsabiqə keçirilən tədris ilinin sentyabr-iyun ayları ərzində verilir. Təqaüd tələbələrə plastik kart vasitəsilə verilir və bu bank kartının açılması Socarın hesabına təmin edilir. Təqaüdün aylıq məbləği 100 manatdır.

Bu proqramda iştirak etmək üçün qoyulan əsas tələblər bunlardır:

Proqramda iştirak etmək üçün Bakı Ali Neft Məktəbi istisna olmaqla digər ali təhsil müəssisələrində müvafiq ixtisaslar üzrə təhsil alan tələbələr iştirak edə bilər. İxtisasların siyahısı üçün linkə keçid edin.

Əlavə olaraq Təqaüd almağa iddialı tələbə Azərbaycan Respublikası vətəndaşı olmalıdır.

Tələb olunan ixtisaslar üzrə 2-ci, 3-cü və ya 4-cü kursda əyani və magistratura pilləsinin əyani və qiyabı şöbələrində təhsil almalıdır.

Başqa kommersiya təşkilatının təqaüdünü almamalıdır.

Son 2 semestrdə “kafi” qiyməti olmamaq şərtilə, bütün təhsil müddətində 2-dən artıq “kafi” qiyməti olmamalı, qalan bütün qiymətləri “yaxşı” və ya “əla” olmalıdır

Təqaüd almaq istəyənlər elektron qeydiyyatdan keçməlidir.

Müsabiqənin keçirilmə qaydaları

Müsabiqə 2 turda – məntiq üzrə test imtahani (1-ci tur) və SOCAR-da müsahibə (2-ci tur) yolu ilə keçirilir.

1-ci turda tələb olunan balı toplayan namizədlər 2-ci tura- müsahibəyə buraxılır.

Müsahibəyə buraxılan iddiaçılar özləri ilə şəxsiyyət vəsiqəsi, tələbə bileti və trankriptin əslini götürməlidirlər.

2-ci turda namizədlər SOCAR-ın müsabiqə komissiyası tərəfindən müsahibə olunur.

Komissiya üzvləri iddiaçıların hazırlığını 5 (beş) ballıq sistemlə qiymətləndirirlər.

Qiymətləndirmə zamanı neft, neft-kimya, energetika, kompüter mühəndisliyi ixtisaslarından olan, KİV-də ixtisası ilə əlaqəli məlumatlarla maraqlanan, işgüzarlığı ilə seçilən, təcrübə rəhbəri tərəfindən yaxşı xarakterizə olunan, habelə ixtisası üzrə işləmək həvəsi olan, nizam-intizama riayət edən iddiaçılara üstünlük verilir. 1-ci turda toplanan ballar 2-ci turda nəzərə alınmır.

Komissiya tərəfindən seçilmiş Təqaüdçülərin siyahısı təsdiq edilmək üçün SOCAR-ın prezidentinə təqdim olunur.

Proqram barədə son məlumatlara baxmaq və şərtlərlə ətraflı tanış olmaq üçün klik edin.

Universitetlərdə təhsil alan tələbələrə, onların akademik göstəricilərinə əsasən təqaüdlər verilir. Burada məqsəd həm tələbələrə dəstək vermək, həm də onları təhsil istiqamətində həvəsləndirməkdir. Təqaüdlər belədir:

Bakalavriat səviyyəsində

-Akademik göstəriciləri 91-100 bal olan tələbələrə 130 manat

-Akademik göstəriciləri 71-100 bal olan tələbələrə 110 manat

-Akademik göstəriciləri 51-100 bal olan tələbələrə 75 manat

Magistratura səviyyəsində

-Akademik göstəriciləri 91-100 bal olan tələbələrə 145 manat

-Akademik göstəriciləri 71-100 bal olan tələbələrə 120 manat

-Akademik göstəriciləri 51-100 bal olan tələbələrə 80 manat