ACCA nədir

ACCA - "Chartered Certified Accountants Association" aparıcı beynəlxalq mühasibat orqanıdır. ACCA beynəlxalq səviyyədə tanınan və 170 ölkədə 500,000-dən çox üzv və tələbəsi olan orqanıdır. Bu kvalifikasiya mühasibatlıq və maliyyə sahəsində qlobal standartları müəyyənləşdirir və işçilərin bütün biznes sahələrində bacarıqlarını təsdiqləyir. ACCA Avropa Birliyi və BMT-yə üzv dövlətlərdə tanınır.

ACCA Kvalifikasiyasını necə əldə etmək olar

1. İngilis dilində maksimum 13 imtahan vermək lazımdır.
2. İşlədiyiniz hər hansı bir iş sektorunda praktiki iş təcrübəsi tələb olunur.
3. Hər sessiyada maksimum 4 imtahan vermək olar.
4. İmtahanları tamamlamaq üçün 10 il müddətiniz var, lakin orta hesabla bu proses 2-3 il çəkir.

ACCA peşəkar ixtisas, maliyyə hesabatları, idarəetmə mühasibatlığı, iş vergisi və hüquqdan auditə və iş etikasına qədər geniş sahələri əhatə edən peşəkar biliklər təqdim edir. Bu kvalifikasiya çoxmillətli və yerli firmalarda yüksək dəyər qazandırır.

ACCA imtahanının strukturu

Fundamentals: 1-ci hissə 

Fundamentals mərhələsi iki modula ayrılır: 

• Knowledge Modulu (F1-F3): Mühasibat və idarəetmənin əsaslarını öyrənir
• Skills Modulu (F4-F9): Əsas texniki sahələri tam əhatə edən 6 fənni ehtiva edir.

Fundamentals mərhələsindəki fənlər:

• F1: Mühasib və Biznes
• F2: İdarəetmə Uçotu
• F3: Maliyyə Uçotu
• F4: Korporativ Hüquq
• F5: Səmərəliliyin İdarə Edilməsi
• F6: Vergilər
• F7: Maliyyə Hesabatları
• F8: Audit və Xidmətlər
• F9: Maliyyə Menecmenti

Professional: 2-ci hissə 

Professional mərhələsi iki modula ayrılır: 

• Essentials (P1-P3): Peşəkar mühasibat, korporativ hesabatlar və biznes təhlili
• Options (P4-P7): Təkmilləşmiş sahələr üzrə ixtisaslaşma 

Professional mərhələsindəki fənlər:

• P1 Professional Accountant – Professional Mühasib 
• P2 Corporate Reporting – Korporativ Hesabatlar
• P3 Business Analysis – Biznesin Təhlili
• P4 Advanced Financial Management – Maliyyə Menecmenti 
• P5 Advanced Performance Management – Səmərəliliyin idarə edilməsi 
• P6 Advanced Taxation – Vergilər 
• P7 Advanced Audit and Assurance Audit və onu müşayiət edən xidmətlər 

Hər iki mərhələ magistr səviyyəsinə uyğun intellektual çətinliklə hazırlanmışdır.

ACCA imtahan qiyməti

Birincisi, ACCA imtahanlarına yazılmaq üçün siz aktiv ACCA tələbəsi kimi qeydiyyatdan keçməlisiniz. Bu o deməkdir ki, ilkin olaraq £ 89 (funt sterlinq) birdəfəlik qeydiyyat haqqını ödəməli olacaqsınız. Sonradan £ 137 ACCA illik abunə haqqı da tələb olunur. Bundan sonra hər il yalnız 1 yanvar tarixinə qədər ödənilməli olan £ 137 ACCA illik abunə haqqını ödəməlisiniz. Həmin il heç bir imtahanda iştirak etməsəniz belə, bu haqqı ödəməlisiniz. Bunu etməsəniz, tələbə qeydiyyatından çıxarıla bilərsiniz və təhsilinizi davam etdirmək üçün yenidən tələbə kimi qeydiyyatdan keçməlisiniz. 

Girdiyiniz hər imtahan üçün isə ayrıca imtahana giriş haqqı ödənilməlidir. İmtahan haqqının məbləği imtahan səviyyəsindən, oturduğunuz yerdən və daxil olduğunuz vaxtdan asılıdır. Bu qiymətlər haqqında ətraflı məlumat almaq üçün linkə daxil olun.

ACCA Kvalifikasiyasının üstünlükləri

• Sertifikatlı mühasib kimi beynəlxalq səviyyədə tanınma imkanı
• Bütün iş sektorlarında tətbiq olunan geniş biliklər
• Yüksək rəhbər vəzifələrə keçmək üçün zəruri bacarıqlar

ACCA imtahanına hazırlıq

ACCA imtahanlarına hazırlaşmaq üçün siz ya ACCA tərəfindən rəsmi akkreditasiya olunmuş təlim mərkəzlərində təhsil ala, ya self-study adlandırdığımız metoddan istifadə edərək özünüz hazırlaşa və ya da distance-learning deyilən online təlim proqramlarına qeydiyyatdan keçməklə hazırlaşa bilərsiniz.

ACCA imtahanında iştirak etmək üçün qeydiyyat linki

dim.gov.az/iexams

Müəllif: Kənan Hüseynzadə / Rüfət İsmayılov

Blog yazılarımızdan dərhal xəbərdar olmaq üçün Telegram Kanalımıza qoşulun: