Hər kəsin tanıdığı, Meta şirkətinin yaradıcısı və əsas səhmdarı olan Mark Zukerberq öz şirkətini yaradarkən daha təcrübəli İT rəhbərləri ilə -  Bill Qeyts və Stiv Cobs ilə ünsiyyət qurmağa başladı. Onlar Markın fikrilərini və ideyalarını kənardan qiymətləndirə bildilər və onun üçün mentor kimi oldular. Təcrübəli bizneыmenlər mentorların kim olduğunu, nə üçün lazım olduğunu və onları haradan tapacağını bilirlər.

45 top-menecerdən 38 nəfəri Harvard Business Review jurnalına müsahibəsində mentor məsləhətlərinin onları səhv addım atmaqdan çəkindirdiyini, 32 nəfər isə mentorun sayəsində şirkətlərinin daha məhsuldar olduğunu bildirmişlər. 

Nəticə sadədir: mentorla iş daha səmərəli qurulur. O, sizin üçün uğurlu karyera qurmayacaq, ancaq düzgün hədəflər qoymağa və onlara çatmağınıza mütləq kömək edəcəkdir.

MENTOR SÖZÜNÜN MƏNASI

İngilis dilində müəllimə (məsləhətçi) Menntor, ondan məsləhət alan şəxsə Mentee (mentee), mentorluq prosesinə isə mentorinq (mentoring və ya mentorship) deyirlər.

MENTOR NƏDİR?

MENTOR - müəyyən bir sahədə və ya biznesdə təcrübəsi olan və bu təcrübənin faydalarını “yenicə doğulmuş” -  MENTEE adlanan gənclə bölüşən şəxsdir. Mentorun rolu adətən Menteeyə konkret karyera məqsədlərinə nail olmaq üçün fəaliyyət planı hazırlamağa kömək etməkdir, baxmayaraq ki, Mentor Menteenin həyatının digər sahələrində də təlimat verə bilər.

KİM MENTOR OLA BİLƏR?

Mentor menecer və ya daha təcrübəli həmkar ola bilər. Yaxud Mentor Menteenin işi ilə bağlı olmayan, lakin onun inkişafında maraqlı olan biri ola bilər.

Mentorlar adətən könüllü olurlar. Onların mentorla uzunmüddətli münasibəti ola bilər və ya onlar mentorla yalnız mentorluq əlaqəsi vasitəsilə tanış ola bilərlər.

Ümumi mövzu münasibətlərin özüdür: düzgün mentor gəncin inkişaf prosesinin müəyyən mərhələsində Menteeyə dəstək verən bələdçi və məsləhətçi kimi çıxış edir; Mentee - Mentorun müdrikliyini və məsləhətini mənimsəməyə çalışan tələbədir.

MENTORLUQ ETMƏLİ YA ETMƏMƏLİ

Mentoru təlimçi, müəllim və ya məşqçi ilə qarışdırmaq mümkündür.

Mentorun işi hər üçünün elementlərini əhatə edə bilər, lakin onun əsas diqqəti mənəvi və emosional dəstək, dürüst rəy və təsadüfi geri dönüş təklif etməkdir. Həqiqətən də, böyük mentorun heç bir formal təhsili olmaya bilər. Önəmli olan mentorun təcrübəsi və onu Menteeyə çatdırmaq bacarığıdır.

Yaxşı mentor olmaq üçün:

• Mentee dinləməli və onun problemləri üçün təhliledici kimi çıxış etməli;

• Menteenin planlarını, məqsədlərini və istəklərini hörmətlə soruşmalı;

• Menteinin seçimləri və davranışları ilə bağlı konstruktiv tənqidi təklif etməli;

• Xüsusilə sınaq anlarında emosional dəstək və təşviq verməli;

• Menteinin sahəsinə uyğun yaxşı davranış, etika və dəyərləri modelləşdirməli;

• Menteeni rahatlıqdan kənara çəkməli; Menteni daha üstün olmağa çağırmalı;

• Müstəqil düşünməyi və qərar qəbul etməyə təşviq etməli;

• Şəbəkə qurmaq, resurslarla təmin etmək və menteinin karyerasını aktiv şəkildə təşviq etməklə menteinin uğurunu asanlaşdırmalı.

Mentor-Mentee münasibəti inam və dürüstlük üzərində qurulur. Əgər Mentorun Menteinin maraqlarına uyğun olmayan gizli məqsədləri varsa, o, sui-istifadəyə məruz qala bilər.

Mentor bunları heç vaxt etməməli:

• Mentorluq münasibətinlərindən öz əhəmiyyəti üçün istifadə etmək

• Qərar vermədə və ya problemin həllində Mentee üzərində səlahiyyəti öz üzərinə götürmək.

• Müəyyən bir istiqamətə Menteeni məcbur etmək

• Şəxsi mənfəət və ya üstünlük üçün mentor-mentee münasibətlərindən istifadə etmək.

• Obyektivliyi itirmək və ya favoritlik nümayiş etdirmək.

• Menteinin xarakterinə hücum edərək onun özünə hörmətini aşağı salmaq.

MENTOR HAQQINDA MARAQLI OLAN VİDEOLAR

• Mentor Training

• For Students and Their Mentors, Learning Goes Both Ways 

• How to Be a Mentor - Project Management Training

MENTOR AXTARMAQ ÜÇÜN SƏBƏBLƏR

• O, Menteinin peşəsinə uyğun olan əsas insanlar ilə tanış ola edə bilər;

• O, istinadlar verə bilər;

• O, Menteyin tək kəşf etməyəcəyi resursları göstərə bilər;

• O, menteyi iş perspektivləri barədə xəbərdar edə bilər;

• O, öz tanışları içində biznes sahiblərinə müsbət söz deyə bilər;

• Və bir dost kimi, o, ilham verə bilər / işlər planlaşdırıldığı kimi getmədikdə dəstək üçün orada ola bilər və menteyə çıxış yolu strategiyası hazırlamağa kömək edə bilər.

YAXŞI MENTORU NECƏ TAPMAQ OLAR?

Yaxşı Mentor axtararkən unutmayın ki, Siz kimdənsə böyük məsuliyyət istəyən bir iş tələb edəcəksiniz. İnkişaf etmək istədiyiniz sahə üzrə geniş təcrübəsi olan insanların axtarışına çıxın və ictimai münasibətlərinizin səmimi yollar vasitəsi ilə inkişafına şərait yaradın.

Ondan sizə mentorluq etməyi xahiş etdikdə, öhdəliyi hər ikiniz üçün rahat olan şəkildə müəyyənləşdirin. Məsələn, ayda bir dəfə sizinlə görüşə biləcək bir mentor axtardığınızı qeyd edə bilərsiniz.

Mentordan nə öyrənmək istərdiniz? Bu münasibətin necə görünməsini istərdiniz? Onu yazın:

• Daha çox təcrübəsi olan birindən öyrənmək istədiyiniz üç xüsusi bacarıq.

• Mentorluq üçün müraciət edə biləcəyiniz üç potensial insan.

• Hər bir insandan öyrənmək istədiyinizi nə qədər vaxt ərzində  soruşsanız rahat olarsınız. Həmin vaxtı müəyyənləşdirin.

​Əgər ağlınızda sizə mentorluq edə biləcək üç ad varsa, onlara necə müraciət edəcəksiniz? Üç potensial mentoru müəyyən edə bilmirsinizsə, onları necə tapacaqsınız?

Potensial mentor tapdıqdan sonra onlarla müsahibə aparın. Onları araşdırın. İzləyin. Mentor-mentee münasibəti uzun müddət davam edə bilər, ona görə də münasibətlər qarşılıqlı anlayış zəmnində formalaşmalıdır. 

Bloq yazılarımızdan dərhal xəbərdar olmaq üçün Telegram kanalımıza qoşulun: