CV necə hazırlanır?

“Neçə yerə müraciət etmişəm, amma heç bir yerdən müsbət geridönüş ala bilmirəm!” cümləsini müasir dövrdə bir çox insandan eşidirik. Bəs nəyə görə bu insanlar müsbət geridönüşlər almırlar?

Bu sualın cavabı çox sadədir, hər şeyin səbəbi yanlış CV-nin tərtib olunmasıdır. Artıq burda “hə, yaxşı bəs biz bu doğru CV-ni necə düzəldə bilərik?” sualını verdiyinizi eşidirəm. Buna görə də, mən bu blogumda sizə uğurlu CV-nin düzəldilmə metodlarından danışacam.

Əvvəla istəyərdim sizə biraz CV haqda məlumat verim. CV (Curriculum Vitae) latın dilindən tərcümə edildikdə tərcümeyi-hal deməkdir. Daha ətraflı desək, bir işə düzəlməyə çalışarkən işəgötürənə göndərdiyiniz təhsil, ixtisas, əvvəlki iş yerləriniz və bəzən şəxsi maraqlarınız barədə qısa yazılı təsvir. Yəni qısaca HR-ın qəlbinə gedən yoldur.

Uğurlu CV-yə sahib olmanın 5 metodu!

1. Uğurlu CV nümunələri

Edəcəyimiz ilk iş uğurlu CV nümunələrini nəzərdən keçirtməkdir. Beləliklə müasir dövrün tələb etdiyi CV quruluşunu vizual formatda daha aydın görəbilərik. Bu nümunələri tapa biləcəyiniz bir neçə sayt tövsiyəsi də edəcəm sizə.

Yerli CV formaları:

• https://www.myperfectresume.com/resume/examples
• https://zety.com/cv-examples

2. Sizə uyğun “template”-i müəyyənləşdirmək

Nümunələrə baxdıqdan sonra, artıq öz CV-mizi düzəltməyə başlaya bilərik. Əgər CV düzəltməkdə çətinlik çəkirsiniz isə və ya bu düzəldəcəyiniz ilk CV olacaqsa, bu vaxt sizin üçün ən rahat template köməkliyi ilə düzəltmək olacaq. Düzdür, internetdə biz çox belə sayt tapabilərik, lakin bir çoxu pullu və ya çox qarışıq olur. Mən sizə ən rahat və tamamilə pulsuz bu işi edəbiləcəyiniz bir neçə saytda tövsiyə edəcəm.

• https://www.canva.com/resumes/templates/
• https://www.cv-template.com/en
• https://novoresume.com/resume-templates

3. Başlıqları, şriftləri və rəngləri düzgün müəyyənləşdirmək

HR menecerlərin CV-də ən əsas diqqət yetirdikləri məqam nizamlanmadır. CV-nin düzgün nizamlanması namizəd haqda məlumatların HR-lar tərəfindən daha tez diqqətini çəkməsinə səbəb olur. Düzgün nizamlanmaya nail olmaq üçün isə başlıqlara, şriftlərə və rənglərə xüsusi diqqət yetirmək lazımdır.

CV-nizi düzəldən zaman əsasən “Arial, Times New Roman, Calibri” kimi aydın oxunaqlı şriftləri seçin. Şrift ölçüsü olaraq isə əsas yazını 10,12; başlıqların isə 14-18 arası olmasına diqqət yetirin. Bununla yanaşı başlıqları qeyd edərkən, onların şrift ilə yanaşı rəng ilə də əsas tekstdən seçilməsinə xüsusi diqqət yetirmək vacibdir.

4. Quruluşa və ardıcıllığa diqqət yetirin

CV düzəldən zaman bir çox insanın çaş-baş qaldığı məqmlardan biridir. Həmişə bu məqamlarda insanlarda suallar yaranır: “CV-də ən əsas nəyi qeyd edim? Ardıcıllıq necə olsun? Əvvəla təhsil yoxsa iş təcrübəsi?” Bütün bu suallara cavabı və daha çoxunu bu blogda tapacaqsınız ) Odur ki oxumağa dəvam edin.

İndi qayıdaq əsas məsələyə, professional CV-lərdə əsasən qeyd etməli olduğumuz məqamlar və ardıcıllıqları belə olmalıdır:

1. Ad, soyad, vəzifə və şəkil. Adətən bu məlumatlar CV-nin yuxarı hissəsində qeyd olunmalıdır. CV üçün uyğun şəkil nümunələri və diqqət edilməsi lazım olan məqamları diğər bəndlərdə ətraflı qeyd edəcəm.
2. Əlaqə məlumatları. Adətən CV-nin yuxarı hissəsində qeyd olunur. Burda əsas qeyd etməli olduğumuz əlaqə vasitələri telefon nömrəmiz, mail ünvanımızdır. Lakin istəyə bağlı olaraqda bəzi insanlar Linkedin və facebook kimi sosial şəbəkələrini də qeyd edə bilərlər.
3.  Şəxsi profil. CV-nin digər, əsas, vacib hissələrindən biri də şəxsi profil hissəsidir. Əsasən bu hissə birinci bölmənin tam altında yerləşir və HR-lara sizin haqqınızda ümumi məlumat vermək üçün CV-də qeyd olunur. Bir növ bütün CV-nin qısa “summary”-si. Qısa summary olduğu üçün bu yer çox böyük əhəmiyyət kəsb edir, çünkü burda ki qeyd edəcəyiniz məlumata görə HR CV-nizi axıra qədər oxuyub, oumamağa qərar verir.
4. Professional səriştə və bacarıqlarınız. Bu yerdə əsasən müraciət etdiyiniz vakansiyaya uyğun  olan səriştələrini qeyd etməyiniz daha uyğundur. Buranı daha uğurlu doldurmaq üçün isə müraciət etdiyiniz vakansiya haqda araşdırma etməyiniz çox faydalı olacaq. Məsələn internetdə eyni vakansiyanın bir neçə şirkət tərəfindən verilmiş elanlarına nəzər yetirərək, sizin müraciət etdiyiniz vəzifə üzrə əsas lazım olan səriştələri öyrənib, özünüzdə daha da inkişaf etdirib CV-nizdə qeyd edəbilərsiniz.
5. Təhsiliniz haqda məlumat. Bu hissədə orta, ali, magistratura, doktorantura dərəcələriniz haqda məlumat verməlisiniz(təhsil aldığınız illər, ixtisasınız, GPA, nəaliyyətləriniz).
6. İş təcrübəniz. Bu hissədə müraciət etdiyiniz vakansiya ilə əlaqəli keçmiş iş təcrübələrinizi qeyd edəbilərsiniz. Quruluş isə: Şirkət – vəzifə - fəaliyyət illəri – iş məsuliyyətinizin nədən ibarət olduğu. Xüsusəndə keçmiş təcrübələrinizdə hansı işlər ilə məşğul olduğunuzu qeyd etmək çox vacibdir. Bu məqam köməkliyi ilə HR-ın ağlında sizin sahib olduğunuz bacarıqlar haqda daha dolğun fikir formalaşır.
7. Sertifikat və nailiyyətləriniz. Bu hissədə sadəcə müraciət etdiyiniz vakansiya ilə əlaqəli olan sertifikatları yerləşdirin! Hətda sahəniz ilə bağlı olan ödənişli kurslardan sertifikatlarınız çoxluq təşkil edirsə, bu zaman onlar için ayrı bir portfolio yaradıb, CV ilə bərabər HR-a yönləndirəbilərsiniz. Bunu etdiyiniz təqdirdə, qarşı tərəfə öz inkişafınıza nəqədər investisiya etdiyinizi nümayiş etdirirsiniz.
8. Dil və kompüter bilikləri. Biliklərimizi ən yaxşıdan daha az bildiyinizə doğru sıralamağınız daha məsləhətlidir. Səviyyə olaraq isə, aşağıda qeyd etdiyim səviyyələr üzrə biliklərinizi sıralamağınız vacibdir:

• A1 – beginner – başlanğıc
• A2 – elementary – ibtidai
• B1 – intermediate – orta
• B2 – upper-intermediate – orta səviyyədən yuxarı
• C1 – advanced – qabaqcıl, yuxarı səviyyə
• C2 – proficient – sərbəst
• Native – ana dili

Bunun ilə yanaşı müasir dövrdə bu biliklər üzrə səviyələrinizi yazılı formada təqdim etmək yerinə müxtəlif növ qrafiklərdən istifadə edərək edəbilərsiniz

5. Düzgün Şəkil

Bu hissə ən vacib məqamlardan biridir! Müasir dövrdə bir çox insanın səhvə yol verdiyi hissə bu hissədir. Bu məqamda sizə bir neçə məsləhətim olacaq. Ən birinci məsləhət isə, selfie ilə bağlıdır. CV-nizin şəkil hissəsində selfie istifadə etmək olmaz! Bu çox qarşı tərəfdə qeyri-professional təəssürat yaradır. Şəklinizi fonu düz, tək rəng olan bir hissədə çəkin. Çiyninizdən yuxarı şəkil olmasına diqqət yetirin və şəkildə üzünüzdə kiçik bir təbəssüm olması daha uyğundur. 

CV-də tez-tez edilən səhvlər!

CV-ni fərdiləşdirməmək

CV hazırlayarkən onu iş elanı ilə uyğunlaşdırmaq olduqca vacibdir. İşə qəbul prosesində istifadə edilən avtomatik analiz sistemləri müəyyən açar sözlərə əsaslanır. Bu filtrlərdən keçə bilmək üçün CV-nizi vakansiyada qeyd olunan tələblərə uyğun şəkildə tərtib etməli və göndərməlisiniz.

Orfoqrafik və qrammatik səhvlər

CV hazırlayarkən diqqət yetirilməli əsas məqamlardan biri də dil qaydalarına riayət etməkdir. Səhvlərlə dolu bir CV diqqətsiz və qeyri-peşəkar təsir bağışlaya bilər. CV-nizi təqdim etməzdən əvvəl onu bir neçə dəfə gözdən keçirin, dil və qrammatika yoxlama vasitələrindən istifadə edin və ya mütəxəssisdən dəstək alın. 

Güclü tərəflərinizi ön plana çıxarmamaq

Sizi digər namizədlərdən fərqləndirəcək bacarıqları və nailiyyətləri vurğulamaq önəmlidir.Bunun üçün bacarıqlarınızı CV- də qeyd edərkən rahat və anlaşıqlı olmasını təmin etmək lazımdır.Digər məlumatlar arasından seçilməli və çox mürəkkəb formada yazılmamalıdır. olmamalıdır. 

Uzunluğunun və formatının düzgün olmaması 

CV-nin uzunluğu da mühüm amillərdən biridir. Çox uzun CV oxucunu yoracaq, çox qısa CV isə kifayət qədər informasiya verməyə bilər. Ümumiyyətlə, bir və ya iki səhifəlik CV ideal hesab olunur. Məlumatlarınızı elə strukturlayın ki, peşəkar hədəfləriniz və mövcud vakansiya ilə uyğunluğunuz aydın şəkildə görünsün. Təcrübə və bacarıqlarınızı ön plana çıxarmaq üçün xronoloji, funksional və ya hibrid formatlardan sizə ən uyğun olanını seçə bilərsiniz.

Uyğun olmayan məlumatların daxil edilməsi

CV-də lazımsız və işlə əlaqəsi olmayan məlumatların olması işəgötürən üçün mənfi təəssürat yarada bilər. Mövqeyə aidiyyəti olmayan hobbilər, şəxsi məlumatlar və ya maaş gözləntiləri kimi detalları qeyd etmək əvəzinə, bacarıqlarınızı və nailiyyətlərinizi vurğulayaraq işəgötürənin tələblərinə necə cavab verdiyinizi göstərməyə çalışın.

CV-nin göndərilmə qaydaları və əlavə məsləhətlər!

• yazıda orfoqrafik səhvlərə yol verməyin.
• məlumatları əks xronoloji ardıcıllıq ilə doldurmaq lazımdır.
• CV-lərinizi 08:00-20:00 arası göndərin. Bu saatda göndərilən CV-lər daha tez oxunur.
• CV-nizi aydın və kompakt tutun. 2 səhifədən artıq CV tərtib etməyin.
• CV-nizin adını tənzimləyib (Maryam Cafarova_CV)  pdf formatda göndərin.
• Qeyri peşəkar e-mail ünvanlarından istifadə etməyin.

CV-nizi professional hazırladıqdan sonra iş elanlarına əminliklə cv göndərə bilərsiniz.

Müəllif: Vəciyyə Əliyeva\Vajiyya Aliyeva

Linkedin hesabına keçid - Linkedin

Blog yazılarımızdan dərhal xəbərdar olmaq üçün Telegram Kanalımıza qoşulun: