SAT  nədir?

Scholastic Aptitude/Assessment Test, başqa sözlə, bir çoxumuzun abbreviatura olaraq eşitdiyi SAT ilk əvvəl Amerikada  (1926, "College Board" tərəfindən) Ali təhsil müəssisələrinə qəbul üçün yaranmış, sonralar isə digər ölkələrdə də tətbiq olunmağa başlanan standartlaşdırılmış test imtahanıdır. İllər ərzində SAT imtahanının adı və strukturu müəyyən dəyişikliklərə uğrayıb. Hal-hazırda isə SAT -  Reasoning test (SAT I) və Subject test (SAT II) formasında 2 hissəyə ayrılır. Türkiyə, Amerika və bizim bəzi universitetlərə qəbul üçün tələb olunan məhz SAT I hissəsidir. SAT II digərinə nəzərən az tələb olunur və məşhur ABŞ universitetlərinə qəbul üçün nəzərdə tutulub. Bu imtahanları vermək üçün tövsiyə olunan ingilis dili səviyyəsi B2 yəni, upper-intermediate-dir. İmtahanın nəticələri 2 ilədək etibarlı hesab olunur.

SAT I imtahanı

SAT I imtahanı üç əsas hissədən ibarətdir:

1. Riyaziyyat: Bu hissə həndəsə, cəbr və statistikadan olan suallarla şagirdin riyazi bilik və bacarıqlarını yoxlayır.
2. Critical Reading: İngiliscə mətnləri oxumaq, anlamıq və məzmunu analiz etmə qabiliyyətləri ölçülür.
3. Writing: Burada ingiliscə yazı qabiliyyəti, cümlə quruluşu, qrammatika və yazış tərzi qiymətləndirilir.

SAT I imtahanının davam etmə müddəti 3 saat 45 dəqiqədir. Toplana biləcək maksimum bal 1600-dür. Bu test ümumilikdə şagirdin analitik düşüncəsi, problem həlli bacarıqları və əsas akademik biliklərini qiymətləndirmək üçün nəzərdə tutulub.

Hissələrə görə tələblər:

• Türkiyə universitetlərinə qəbul üçün “Riyaziyyat” və “Critical Reading” hissələri kifayət edir.
• ABŞ universitetlərinə qəbul üçün hər üç hissə – “Riyaziyyat,” “Critical Reading” və “Writing” – üzrə imtahan vermək tələb olunur.

Dil Səviyyəsi:

SAT I imtahanından müvəffəqiyyətlə keçmək üçün tövsiyə olunan ingilis dili səviyyəsi B2 (Upper-Intermediate) və ya daha yuxarı olmalıdır.

Nəticələrin Etibarlılığı:

SAT imtahanının nəticələri 2 il ərzində etibarlı hesab olunur.

SAT II imtahanı

SAT II imtahanı, fənn üzrə spesifik akademik bilik və bacarıqları ölçən testdir. Suallar müxtəlif akademik fənnlərdən olur.

Mövzular:

• Riyaziyyat
• Fizika
• Kimya
• Biologiya
• Tarix
• Dillər (alman, fransız, italyan, ispanca, çin, yapon və s.)
  
  Bal Sistemi:
• Bal aralığı: 200-800
• Testin davam etmə müdəti: 1 saat
  
  SAT II kimə lazımdır? Bu test daha çox ABŞ-nə məxsus nüfuzlu universitetlərə qəbul prosesində çox əhəmiyyət daşıyır. Seçilən fənn ixtisas və universitetin tələblərinə görə müyən edilir.

SAT və Azərbaycan Universitetləri

Azərbaycanda da SAT imtahanı bir çox universitet tərəfindən bakalavr pilləsinə qəbul prosesində tətbiq olunur. Ölkə daxilində SAT nəticələrini qəbul edən ali təhsil mərkəzlərinə bunlar daxildir:

• ADA Universiteti
• UNEC
• Xəzər Universiteti

Bu universitetlər SAT nəticələrini Dövlət Imtahan Mərkəzi’nin test imtahanlarına alternativ olaraq qəbul edir.

SAT Kursları haqqında əlavə məlumat üçün klik edə bilərsiniz.