GMAT və GRE nədir?

GMAT və GRE tənqidi düşünmə, analiz bacarığı və riyazi bilikləri yoxlayan imtahanlardır. Dünya universitetlərində  təhsil almaq üçün  müxtəlif  beynəlxalq imtahanlar tələb olunur. Bu imtahanlar ölkədən – ölkəyə, universitetdən – universitetə  dəyişə bilər. Magistr və doktorantura təhsili almaq üçün GRE və GMAT imtahanları vermək tələb olunur. Bu imtahanlar tələbənin ingilis dili biliyi ilə yanaşı, digər elmi biliklərini testdən keçirir.

GMAT nədir?

GMAT (Graduate Management Admission Test)  Amerika Birləşmiş Ştatlarında  magistr (MBA) və iqtisadiyyat üzrə doktorantura  dərəcələrində təhsil almaq istəyənlər bu imtahandan keçməlidir. Belə ki, Amerika universitetlərinə magistr dərəcəsi və yaxud da doktorantura üçün müraciət etdikdə sizdən GMAT imtahanı tələb olunacaq. Bu bütün universitetləri əhatə etmir. Bəzi dəqiq elmlər var ki, onlar üzrə magistr təhsili almaq istəyəndə bu imtahan tələb olunur. Bu imtahan dünyanın müxtəlif yerlərində keçirilir. Həmçinin bu imtahana hazırlıqlar da bir çox ölkələrdə mövcuddur.  GMAT (Graduate Management Admission Test) 3.5 saat çəkən kompüter adaptiv test imtahanıdır, 4 hissədən ibarətdir:

• Quantitative Reasoning                  ( 31 sual, 62 dəqiqə )
• Verbal Reasoning                              ( 36 sual, 65 dəqiqə )
• Integrated Reasoning                      ( 12 sual, 30 dəqiqə )
• Analytical Writing Assessment     ( 1 inşa, 30 dəqiqə )

GMAT balı 200-800 arasında dəyişir, əksər tələbələr 400-600 arası nəticə göstərirlər, buna görə də 600+ kifayət qədər ciddi bal sayılır. Integrated Reasoning  1-8 bal aralığında, Analytical Writing isə 1-6 bal aralığında qiymətləndirilir.

GMAT imtahanı da kompyuter vasitəsilə keçirilir.  Lakin dünyanın bəzi ölkələri var ki, orada kompyuterlə imtahan vermək mümkün olmadıqda yazılı olaraq GMAT imtahanı vermək mümkündür. Qeyd etdiyim kimi GMAT imtahanında  ingilis dili səviyyəsi ilə yanaşı, digər vacib olan ixtisaslardan da səviyyə yoxlanılır.

GMAT imtahanı hal-hazırda yalnız MBA proqramı üçün daha da məşhurdur və dünyanın ən reytinqli universitetləri MBA üçün bu imtahandan yüksək nəticə tələb edirlər. Təkcə Amerika deyil, eyni zamanda bir çox ölkələrin güclü universiteteləri bunu tələb edir.

GRE nədir?

GRE (Graduate Record Examination) Amerika Birləşmiş Ştatlarında magistr və doktorantura təhsili almaq üçün verilən imtahandır. Dünyanın bir çox məşhur universiteteləri də humanitar fənlər üzrə (iqtisadiyyatdan başqa) GRE imtahanını tələb edirlər. Əsasən dəqiq fənlər üzrə təhsil almaq istəyənlər üçün nəzərdə utulub. İki qrup ayrılır:

1. GRE  General Test
2. GRE  Subject Test

GRE General Test imtahanını magistr və doktorantura  oxumaq istəyən hər kəs veməlidir.  GRE Subject Test isə bəzi universitetlər tələb edir. GRE 4 saat çəkən kompüter adaptiv test imtahanıdır, 3 hissədən ibarətdir:

• Analytical Writing                ( 2 sual, 60 dəqiqə )       
• Verbal Reasoning               ( 20 sual, 60 dəqiqə )
• Quantitative Reasoning       ( 20 sual, 35 dəqiqə )

Əldə edə biləcəyiniz ən yüksək ümumi GRE hesabı 340 olacaqdır, əksər tələbələr 150-200 arası nəticə göstərirlər. Verbal Reasoning və Quantitative Reasoning 130-170 bal aralığında, Analytical Writing isə 0-6 bal aralığında qiymətləndirilir.

Blog yazılarımızdan dərhal xəbərdar olmaq üçün Telegram Kanalımıza qoşulun: