Dinamik və rəqabətçi dünyamızda effektiv ünsiyyət və  bacarıqları təqdim etmək ehtiyacı hər zamankindən daha vacibdir. İstər akademik, istər əmək bazarı, istərsə də yaradıcı sənaye sahələrində böyük populyarlıq və əhəmiyyət qazanmış vasitələrdən biri də portfoliodur.

Rəqəmsal dövrdə insanlar portfolioların gücünü bilməli, yeni imkanlar və uğura yol açmaq üçün öz potensiallarından istifadə etməlidirlər. Yaxşı hazırlanmış peşəkar portfolio karyera imkanlarını və peşəkar inkişafı əhəmiyyətli dərəcədə artıra bilər.

 

Portfolionun hansı növləri var?

Şəxsin məqsəd və sahəsinə görə portfolionun bir neçə növü vardır:

 

Peşəkar portfolio

İş müraciətləri üçün peşəkar portfoliolardan istifadə olunur. Bu tip portfoliolar CV, iş nümunələri,  rəylər və referanslardan ibarətdir. Bu, potensial işəgötürənlərə, müştərilərə, əməkdaşlara və ya təhsil müəssisələrinə öz təcrübələrini nümayiş etdirmək üçün tez-tez istifadə olunan imkanların və nailiyyətlərin əyani təsviridir.

 

Akademik portfolio

Akademik portfolio fərdin akademik nailiyyətlərini, inkişafını, bacarıqlarını və töhfələrini nümayiş etdirən və diqqətlə seçilmiş materiallar toplusudur. Akademik portfoliolar tez-tez tələbələr, müəllimlər və təhsil sahələrində digər peşəkarlar tərəfindən istifadə olunur. Məzmunu və strukturu təqaüd, magistr proqramı və ya akademik vəzifəyə müraciət etmək kimi fərdin xüsusi məqsəd və tələblərinə cavab vermək üçün uyğunlaşdırılır.

 

Yaradıcı portfolio

Yaradıcı portfolio fərdin yaradıcı bacarıqlarını, istedadlarını və nailiyyətlərini göstərən seçilmiş iş toplusudur. Bu cür portfoliolardan tez-tez rəssamlar, dizaynerlər, fotoqraflar, yazıçılar, kinorejissorlar və digər yaradıcı peşəkarlar öz işlərini potensial müştərilərə, işəgötürənlərə, əməkdaşlara nümayiş etdirmək üçün istifadə edirlər.

 

Onlayn portfolio

Şəxsi vebsayt, portfolio platforması və ya digər rəqəmsal mühitlər vasitəsilə onlayn təqdim olunur. Onlayn portfolio fərdlərə işlərini, nailiyyətlərini və imkanlarını vizual olaraq cəlbedici və asanlıqla əldə edilə bilən formatda nümayiş etdirməyə imkan verir. Bu, potensial işəgötürənlər, müştərilər, əməkdaşlar və ya geniş ictimaiyyət də daxil olmaqla, daha geniş auditoriyaya öz peşəkar və ya yaradıcı işlərini təqdim etməyin effektiv üsuludur.

 

Biznes portfolio

Şirkətlər və müəssisələr məhsullarını, xidmətlərini, keçmiş layihələrini və uğur hekayələrini potensial müştərilərə və ya investorlara nümayiş etdirmək üçün portfoliolar yaradırlar. Biznes portfolio tez-tez investorlar, müştərilər, tərəfdaşlar və potensial müştərilər kimi maraqlı tərəflərə şirkətin müxtəlifliyini, güclü tərəflərini və bazarda mövcudluğunu nümayiş etdirmək üçün istifadə olunur.

Portfolio necə yazılmalıdır?

 

1. Portfolionuzun məqsədini müəyyən edin. Siz onu potensial müştərilər, işəgötürənlər, təhsil müəssisələri və ya şəxsi istifadə üçün yaradırsınız? Məqsədinizi müəyyən etmək sizə portfolionun məzmununu və strukturunu qurmağa kömək edəcəkdir.

 

1. Portfolionun formatına qərar verin: fiziki sənəd və ya onlayn. Sizin məqsədlərinizə uyğun olan və işinizi effektiv şəkildə nümayiş etdirən format seçin.

 

1. Portfolionuza daxil etmək istədiyiniz məlumatları toplayın:
   • CV
   • Haqqında məlumat
   • Sertifkatlar, diplomlar və mükafatlar
   • Vizual məzmun (şəkillər, qrafiklər, diaqramlar və s.)
   • Rəylər, tövsiyyələr və referanslar

 

1. Məzmunu yaradın:
   • Giriş. Portfolionun məqsədi və baxanların nələri tapa biləcəyi haqqında ümumi məlumatı təqdim edən qısa girişlə başlayın.   
   • Bölmələr. Portfolionu mövzulara, layihələrə və ya iş növlərinə əsasən bölmələrə bölün. Hər bölmənin aydın başlığı olmalıdır.
   • Məzmun yerləşdirmə. Materiallarınızı hər bölmə daxilində məntiqi şəkildə yerləşdirin. Yazı nümunələri üçün başlıq, qısa təsvir və faktiki məzmunu daxil edin.

 

1. Hər bir iş yerinizdə və ya layihənizdəki rolunuzu aydın şəkildə izah edin. Bu işlərdən əldə etdiyiniz nailiyyətləri əlavə edin. İş yerlərinizi sondan başlayaraq əvvələ doğru sıralayın. Bu iş yerlərindən aldığınız nəticələri faizlərlə qeyd edin.

 

1. Özünüzü təqdim edən cəlbedici haqqımda bölməsi yaradın. İş keçmişini, təcrübənizi və sizi digərlərindən fərqləndirən xüsusiyyətlərinizi qeyd edin. Bu bölməni çox uzun tutmamağa çalışın.

 

1. Məzmunu tamamlayan və vizual olaraq diqqət çəkən dizayn seçin. Şriftlərin ardıcıl və eyni olmasına diqqət yetirin. Aydın başlıqlar, alt başlıqlar və naviqasiya menularından istifadə edin.

 

1. Qrammatika, orfoqrafiya və formatlama səhvlərini aradan qaldırmaq üçün bütün portfolionu hərtərəfli nəzərdən keçirin. Bu cür səhvlərə yol verməyin!

 

1. Əgər portfolionuz onlayn formadadırsa, onun funksionallığını və görünüşünün müxtəlif cihaz və brauzerlərdə responsivliyini yoxlayın, UI və UX- ə diqqət yetirmək lazımdır. 

 

1. Portfolionuzu mütəmadi olaraq nəzərdən keçirin və aktiv saxlayın. Yeni iş və nailiyyətlər əldə etdikcə əlavə edin.

 

Unutmayın ki, portfolionuz bacarıqlarınızın və peşəkarlığınızın əksidir, ona görə də işinizin cəlbedici təsvirini yaratmaq üçün vaxt ayırın.

 

Portfolio hazırlamaq üçün saytlar hansılardır?

 

Portfolionuzu yaratmaq və yerləşdirmək üçün istifadə edə biləcəyiniz bir neçə vebsayt və onlayn platforma var. Bu platformalar işinizi peşəkar və vizual olaraq cəlbedici şəkildə nümayiş etdirməyə kömək etmək üçün müxtəlif funksiyalar və fərdiləşdirmə variantları təklif edir. Bəzi məşhur seçimlər:

1. Behance
2. Squarespace
3. Adobe portfolio
4. Dribble
5. Wordpress
6. Wix

 

Marketoloqlar nələrə diqqət yetirməlidilər?

Sizin çox yönlü olduğunuzu və müxtəlif tapşırıqların öhdəsindən gəlmək bacarığınızı nümayiş etdirən müxtəlif marketinq layihələrini göstərin. 

1. Portfolionuzu hissələrə bölün: Meta ads, kontentləriniz, SMM, SEO, SEM, LinkedIn ads və s.

2. Hər bir hissə üzrə işlədiyiniz şirkətlərin siyahısını yazın.

3. Reklam nəticələrinizin ekran şəkillərini yerləşdirən zaman konfidensiallığa fikir verin, şirkətin və kampaniyaların adını ekran şəkillərində görsənməməlidir. Nəticələri yerləşdirən zaman sizin nəticələriniz aydın şəkildə olmalıdır. Xərclədiyiniz büdcənin, CPC və reklamınıza uyğun olaraq digər metriklərin qiymətlərinin görsənməsi arzuolunandır.

4. Kontent ideyalarınızı daha səliqəli və göz oxşayan şəkildə yerləşdirin. Reklam kampaniyalarında sizin kontent ideyalarınız istifadə olunubsa, mütləq qeyd edin.

5. Sizin ideyalarınızla yaradılmış dizaynları da portfolioya əlavə edə bilərsiniz.

6. SEO nəticələrinizi, sayta gələn trafikləri Search Console və s.kimi digər analytic toollardan ekran şəkilləri alaraq əlavə edin.

 

 

Ölçülə bilən nəticələr və əsas performans göstəriciləri (KPI) daxil etməklə işinizin təsirini vurğulayın. Konkret rəqəmlər və faizlər nailiyyətlərinizi daha cəlbedici edə bilər.

 

Yaradıcılıq qabiliyyətlərinizi nümayiş etdirmək üçün şəkillər, videolar, qrafika və dizayn nümunələri kimi vizual cəlbedici elementlərdən istifadə edin. Bacarıqlarınız, iş etikanız və etdiyiniz təsir barədə danışa bilən müştərilərin, həmkarların və ya nəzarətçilərin rəylərini daxil edin. Bu rəylər marketoloq kimi sizə qarşı etibarlılıq yaradır.

 

 

Dizaynerlər nələrə diqqət yetirməlidilər?

Brendinq, loqo dizaynı, veb dizayn, çap materialları, qablaşdırma, UI/UX dizaynı və müxtəlif sahələrdə təcrübənizi nümayiş etdirən hər hansı digər müvafiq dizayn işlərinə dair nümunələri daxil edin. Layihələrinizin daha incə detallarını nümayiş etdirmək üçün yüksək keyfiyyətli şəkillərdən istifadə edin.

 

Müştərilərlə əməkdaşlıq etmək və onların dizayn ehtiyaclarını effektiv şəkildə həll etmək bacarığınızı vurğulayın. Unikal üslubunuzu, maraqlarınızı və yaradıcılığınızı əks etdirən şəxsi dizayn layihələrini də daxil edin. Şəxsi layihələr dizayna olan həvəsinizi və yeni ideya və konsepsiyaları araşdırmaqda təşəbbüs göstərmək bacarığınızı nümayiş etdirə bilər.

 

Blog yazılarımızdan dərhal xəbərdar olmaq üçün Telegram Kanalımıza qoşulun: