Startap hər hansı bir problemi həll etmək və dünyaya töhfə vermək missiyası ilə inkişaf etmək üçün qurulan şirkətlərə verilən addır. Startap təsisçiləri öz bizneslərini cəmiyyətin ehtiyac duyduğu sahələrdə genişləndirməyi və inkişaf etdirməyi hədəfləyirlər. Startaplar investisiya yolu ilə inkişaf edir. Startaplar bir və ya bir neçə sahibkar tərəfindən təsis edilir. Dünyada bu biznes modeli ilə qurulan bir çox şirkət var. Dünyadakı insanların 20%-i monoton həyatlarından sıxılır və öz biznesləri üçün işləmək istəyirlər.  Ona görə də Startapların sayı günü-gündən artır.

Start up necə qurulur?

Biznes ideyasının inkişafı

İlk addım innovativ biznes ideyasını inkişaf etdirməkdir. İdeya problemi həll etmək, yeni məhsul və ya xidmət təqdim etmək və ya bazarda boşluğu doldurmaq kimi konkret məqsədə xidmət etməlidir.

Bazar araşdırması

Biznes ideyanızı dəstəkləmək üçün geniş bazar araşdırması aparmalısınız. Rəqiblərinizi, hədəf auditoriyanızı və bazar ölçüsünü təhlil edin.

Biznes planının yaradılması

Biznes planınızı hazırlayın. Bu sənədə biznesinizi idarə etmək, böyütmək və maliyyələşdirmək üçün strategiyalarınız daxil edilməlidir.

Hüquqi və maliyyə strukturunun yaradılması

Siz şirkətinizi rəsmi qeydiyyatdan keçirməli və onun hüquqi strukturunu yaratmalısınız. Həmçinin maliyyə resurslarını müəyyən etmək, lazım gələrsə, investisiya cəlb etmək lazımdır.

Məhsul və ya xidmətin inkişafı

Biznes ideyanızı reallığa çevirmək üçün məhsul və ya xidmətinizi inkişaf etdirin, sınaqdan keçirin və təkmilləşdirin.

Marketinq və müştərilərlə qarşılıqlı əlaqə

Biznesinizi tanıtmaq və ilk müştərilərinizi cəlb etmək üçün effektiv Ənənəvi və Digital marketinq strategiyası yaradın, Digital marketinq haqqında məlumat üçün keçid edin.

İnvestor Münasibətləri

Biznesiniz böyüdükcə investorlara yaxınlaşıb investisiyalar qəbul edə bilərsiniz.

Startup Şəhadətnaməsi

Yeni bir şirkət yaradıldıqdan sonra, adətən şirkətin rəsmi qeydiyyatdan keçdiyini və qanuni olaraq biznes apara biləcəyini sübut etmək üçün müəyyən sənədlər tələb olunur. Bu sənədlər qanuni olaraq biznesinizi işə salır və investorlar və ya biznes tərəfdaşları ilə ünsiyyət qurarkən zəruridir. Tələb olunan sənədlər ölkənin qanunlarından və şirkətinizin yerləşdiyi əyalət/şəhərdən asılı olaraq dəyişə bilər. Azərbaycanda startup Şəhadətnaməsi necə almaq olar? Məlumat  üçün keçid edin.

Dünyadakı startapların nümunələri

Uber

Uber universal taksi xidmətidir. 2009-cu ildə Travis Kalanick və Garrett Camp tərəfindən yaradılmışdır. Girişim dünyanın bir çox yerində mövcuddur. Uber ABŞ-ın ən dəyərli şirkətidir. 

Stripe

Stripe onlayn ödəniş sistemidir. 2009-cu ildə Patrick Collison və John Collison tərəfindən yaradılmışdır. Şirkətin hazırkı dəyəri 95 milyard dollardır. 

SpaceX

SpaceX 2002-ci ildə Tesla və Paypalın sahibi Elon Musk tərəfindən təsis edilib. SpaceX, Amerikanın özəl aerokosmik istehsalçısı və raket mühərrikləri və yanacaq istehsal edən kosmik nəqliyyat xidmətləri şirkətidir. Bu şirkət bir neçə raket və kosmik aparat hazırlayıb. SpaceX insanları kosmosa göndərən ilk özəl kosmik şirkət oldu. SpaceX-in əsas məqsədi kosmosda daşınma xərclərini azaltmaq və Marsı koloniyalaşdırmaqdır. 

Xiaomi

Smartfon istehsalçısı Xiaomi Çinin ən qiymətli şirkətidir. Xiaomi sərfəli və keyfiyyətli telefonları ilə gündəmə gəlir. Şirkət 46 milyard dollarla dünyanın ən dəyərli startap şirkətləri sırasındadır.