İngilis dilində dinləmə qabiliyyətini inkişaf etdirmək üçün effektiv yollar!

İngilis dilində danışa, yaza, oxuya bilirsiniz. Lakin qarşınızdakı şəxslərin nə dediyini başa düşməkdə çətinlik çəkirsiniz? O zaman bu post sizin üçün faydalı olacaq. Gəlin ingilis dilində dinləmə qabiliyyətimizi inkişaf etdirmək üçün bu blogda qeyd edilmiş yollar və materiallara ehtiyacımız var.

Dinləmə qabiliyyətimizi inkişaf etdirmək üçün istifadə etməli olduğumuz yollar digər qabiliyyətlərə nisbətən daha sadədir. Çünki dinləmə qabiliyyəti əsasən praktika, yəni dəfələrlə dinləmək vasitəsilə inkişaf etdirilir. Bunun üçün rəqəmsal dünya bizə müxtəlif imkanlar açır. Bu imkanlardan ikisi BBC RADIO vebsaytı və BBC LEARNING ENGLISH youtube kanalıdır. Bu saytlar vasitəsilə “native English” istifadə edilərək hazırlanmış bir sıra materiallar vasitəsilə dinləmə qabiliyyətinizi artıra bilərsiniz. Materiallar xəbərlər, idman, iş həyatı, səyahət, gələcək, mədəniyyət, hava məlumatı və s. konseptlərdə olur.

Vebsaytlar və xəbərlərlə davam etmək sizin üçün effektiv yoldursa bu şansı da qaçırmayın: VOA NEWS vebsaytında sizə maraqlı ola biləcək səslər tapa bilərsiniz. Canlı radionu aktiv edərək qulaq asmaq da mümkündür. Bu vebsaytların əsas üstünlüyü dünya görüşünüz və ingilis dilinizi eyni zamanda ikişaf etdirməsi, o cümlədən səs sahiblərinin “native speakers” olmalarıdır. İlk zamanlarda çətin gəlsə belə, zamanla düzgün qərar vermiş olduğunuza əmin olacaqsınız. NPR vebsaytı isə BBC-nin ən yaxın ekvivalenti olmaqla özündə incəsənət, həyat, musiqi, şoular və digər tipli məlumatları birləşdirir.

Real English Conversations vebsaytı isə ingilis dilində danışıq və dinləmə qabiliyyətinizi inkişaf edirməyə yönəlmiş materiallardan ( bu materiallar əsasən onlayn mühazirə formasındadır) ibarətdir. Əgər dərs dinləyərkən inkişaf etdiyinizi düşünürsünüzsə bu sayt sizin üçün faydalı olacaq.

Müxtəlif səviyyələrə bölünmüş ingilis dili dinləmə materiallarını isə BRITISH COUNCIL vebsaytında tapa bilərsiniz. Bu kanal sizə Beginner, Pre-intermediate, Intermediate, Upperintermediate və Advanced səviyyələrdə materiallar təklif edir. Bu səslər digər səs materiallarına nisbətən daha uzundur və çalışmalarla özünüzü yoxlamağınıza kömək edir. 

Blog yazılarımızdan dərhal xəbərdar olmaq üçün Telegram Kanalımıza qoşulun: